మేడారంలో ప్ర‌తి యేటా ట‌న్నుల కొద్ది బంగారం... రహస్యమేంటి..?

గిరిజన సంస్కృతి, సాంప్రదాయ పద్దతిలో జరిగే మేడారం జాతరకు, బెల్లానికి సంబంధం ఏమిటి.? మేడారంలో బెల్లాన్ని ‘బంగారం’ అని ఎందుకంటారు.? దాన్ని నైవేద్యంగా ఎందుకు సమార్పిస్తారు.? తల్లుల గద్దెల వద్ద నుంచి చిటికెడు బెల్లం తీసుకెళ్లినా ఎందుకు తాపత్రయ పడుతారో అంటే ఇక్కడ బెల్లమే ఆ తల్లుల దీవెన.. ఆ తల్లుల వరంగా భావిస్తారు.

కాకతీయుల కాలం నుంచే ఇది జరుగుతోంది. పూర్వం సుదూరాల నుంచి మైళ్లకొద్ది ప్రయాణించి తల్లుల దరికి చేరుకునేవారు భక్తులు. మేడారానికి చేరుకొని దాదాపు వారంరోజులు గడిపేవారు. ఈ క్రమంలో ఆకలైనప్పుడు త్వరితశక్తి(ఇన్‌స్టాంట్‌ ఎనర్జీ)ని అందించే స్వభావం కలిగిన బెల్లం పానకంతో తయారుచేసే ఆహారపదార్ధాలను తినేవారు. బెల్లం పానకంలో పల్లిగింజలు, పుట్నాలు వేసి తయారుచేసే ముద్దలను ఇష్టంగా తినేవారు. అప్పటి నుంచి బెల్లం ప్రాశస్త్యం బాగా పెరిగిపోయి.. మొక్కుబడులుగా మారాయి